ខេត្តកំពង់ធំ : សំពៅ​ ត្រៃលោក​ត្រៃ​លក្ខណ៍

ទីនេះជាមជ្ឈមណ្ឌលទេសចរណ៍ វប្បធម៌ សាសនាសំពៅត្រៃលោក ត្រៃលក្ខណ៍ ដែលមានទទឹង១២.៨ ម៉ែត្រ កម្ពស់២១ ម៉ែត្រនិងរូបចម្លាក់កូរសមុទ្រទឹកដោះចំនួន ៤២ រូប និងនាគខាងមុខ២។ ការកសាងនូវសមិទ្ធិផលនេះគឺជាការបង្ហាញនូវការគាំទ្រក្នុងវិស័យ ព្រះពុទ្ធសាសនា ដែលជាសាសនារបស់រដ្ឋ និងកំពុងមានពុទ្ធបរិស័ទប្រមាណជាង ៩៥% ទូទាំងប្រទេស មានជំនឿយ៉ាងមុតមាំ។ ដូច្នេះហើយយើងត្រូវតែនាំចូលការពារនូវសម្បត្តិវប្បធម៌ និងសមិទ្ធផលផ្សេងៗទៀត ដែលជាដួងព្រលឹងជាតិរបស់យើងកុំឱ្យមានការបំផ្លិចបំផ្លាញក្នុងគោលបំណងរក្សាទុកឱ្យកូនចៅជំនាន់ក្រោយបានគោរព បានឃើញជារៀងរហូត។ជាទីសក្ការបូជា និងប្រារព្ធពិធីសាសនា​សម្រាប់​ទេសចរ​សាសនាដែល​ត្រូវការ​សិក្សាស្រាវជ្រាវ។ ​មជ្ឍមណ្ឌល​សាសនា វប្បធម៌ និង​ទេសចរណ៍នេះ មានទីតាំង​នៅ​ ភូមិ​កាល់មេឃ ឃុំត្បូងក្រពើ ស្រុក​សន្ទុក។ នៅ ទីនេះ គឺជាទីសក្តារបូជា រូបសំណាកសំពៅ មាសប្រាក់ ព្រះវិហារ ពុទ្ធបដិមា​ ដែលភ្ញៀវទេសចរនិយមបន់ស្រន់ និងថតរូបកម្សាន្ត។