ខេត្តព្រះសីហនុ : ឆ្នេរព្រែកចាក
ឆ្នេរព្រែកចាក ស្ថិតនៅចុងផុតនៃទីប្រជុំជនលើដែនដីអភិរក្សឧទ្យានជាតិរាម ជាទីឋានដ៏ស្ងប់ស្ងាត់រំលេចនូវសម្រស់ឆ្នេរខ្សាច់ម៉ដ្ឋខៃលាតសន្ធឹងវែងអន្លាយស័ក្ដិសមសម្រាប់អ្នកប្រាថ្នាជីវិតឯកជន ទាំងការសម្រាកលម្ហែដ៏រ៉ូមែនទិក និងការបោះតង់ អានសៀវភៅ លើឆ្នេរក្បែរជើងភ្នំ។ ពីផ្លូវបំបែករង្វង់មូលឧទ្យានជាតិរាម ជាទីដែលអ្នកដំណើររមែងចូលស្រស់ស្រូបអាហារពេលព្រឹកជាស្រេច ទើបបន្ដដំណើរឆ្លងកាត់ព្រលានយន្ដហោះឆ្ពោះទៅឆ្នេរសមុទ្ររាមចម្ងាយប្រមាណ ៩ គីឡូម៉ែត្រ ដែលបង្ហាញឲ្យឃើញនូវទេសភាពដើមដូងតំណាងឆ្នេររាមដ៏ស្រស់ស្អាត បត់ឆ្វេងតាមរង្វង់មូលព្រះនារាយណ៍ ២ គីឡូម៉ែត្រ និងបន្ដលើផ្លូវលំឆ្លងកាត់ស្ពានឈើ ឯនាយខាងស្ដាំដៃ លោកអ្នកនឹងបានឃើញដើមដូងដុះច្រូងរង់ចាំស្វាគមន៍ភ្ញៀវ ដែលបង្ហាញថាជិតដល់ឆ្នេរសមុទ្រព្រែកចាកហើយ។
ព្រឹត្តិការណ៍
តំបន់ប្រាសាទសម្បូរព្រៃគុក
សារមន្ទីរឧក្រិដ្ឋកម្មប្រល័យពូជសាសន៍ទួលស្លែង
