ឧកញ៉ា ឆាយ ស៊ីវលីន បង្ហាញរបៀបវារៈទេសចរណ៍កម្ពុជា ក្នុងកិច្ចប្រជុំ ASEANTA

កាលពីថ្ងៃទី២៨ ខែមករា ឆ្នាំ២០២៦ ឧកញ៉ា ឆាយ សុីវលីន ប្រធានសមាគមទេសចរណ៍កម្ពុជា (CATA) បានអញ្ជើញចូលរួមកិច្ចប្រជុំក្រុមប្រឹក្សាភិបាលសមាគមទេសចរណ៍អាស៊ាន (ASEANTA) ដែលបានប្រព្រឹត្តទៅនៅទីក្រុងស៊ីប៊ូ ប្រទេសហ្វីលីពីន។ កិច្ចប្រជុំនេះបានពិភាក្សាលើទិសដៅអភិវឌ្ឍន៍វិស័យទេសចរណ៍ក្នុងតំបន់អាស៊ាន ការពង្រឹងកិច្ចសហប្រតិបត្តិការរវាងសមាគមសមាជិក និងការលើកកម្ពស់ទេសចរណ៍អាស៊ានលើឆាកអន្តរជាតិ។ ការចូលរួមរបស់សមាគមទេសចរណ៍កម្ពុជា ក្នុងវេទិកាថ្នាក់តំបន់នេះ បង្ហាញពីការប្តេជ្ញាចិត្តក្នុងការចូលរួមសកម្មជាមួយដៃគូអាស៊ាន ដើម្បីជំរុញការអភិវឌ្ឍវិស័យទេសចរណ៍កម្ពុជាឱ្យកាន់តែរឹងមាំ និងចីរភាព។