ខេត្តតាកែវ : ប្រសាទនាងខ្មៅ

ប្រសាទនាងខ្មៅ ​៖ ស្ថិតក្នុងបរិវេណវត្តប្រាសាទនាងខ្មៅ នៅក្នុងឃុំរវៀង ស្រុកសំរោង ក្បែរផ្លូវជាតិលេខ២ មានចម្ងាយប្រមាណ ៥២គ.ម ពីរាជធានីភ្នំពេញ និង ២៧គ.ម ពីទីរួមខេត្តតាកែវ។ ប្រាសាទនេះ ស្ថាបនាឡើងអំពី ថ្មភក់ និងឥដ្ឋតាមបែបរចនាប័ទ្មកោះកែ ជាស្នាព្រហស្ថរបស់ព្រះបាទជ័យវរ្ម័នទី៤ ក្នុងសតវត្សរ៍ទី១០ (៩២១-៩៤១) នៃគ្រឹស្តសករាជសម្រាប់ឧទ្ទិសដល់ព្រហ្មមញ្ញសាសនា ដែលមានប្រាសាទ៣ នៅទន្ទឹមគ្នា។ ប៉ុន្តែបច្ចុប្បន្ននៅសល់ប្រាង្គប្រាសាទ តែពីរទេ។ ប្រាសាទនាងខ្មៅក៏ត្រូវបាន បែកបាក់ខូចខាតជាច្រើនកន្លែងដែរ។