គន្លឹះយុទ្ធសាស្ត្រដើម្បីជំរុញកំណើនសេដ្ឋកិច្ចទេសចរណ៍កម្ពុជា

កាលពីថ្ងៃទី ៣ ខែកុម្ភៈ ឆ្នាំ ២០២៦ លោកឧកញ៉ា ឆាយ សុីវលីន ប្រធានសមាគមទេសចរណ៍កម្ពុជា (CATA) បានអញ្ជើញចូលរួមជាវាគ្មិនកិត្តិយស ក្នុងកិច្ចពិភាក្សាស្តីពី «ការបង្កើតខ្សែទស្សនកិច្ច Cluster វៃឆ្លាត ដើម្បីបង្កើនតម្លៃបន្ថែម និងរយៈពេលស្នាក់នៅរបស់ភ្ញៀវទេសចរ»។ កិច្ចពិភាក្សានេះ ដឹកនាំដោយ ឯកឧត្តម នី ផល្លី រដ្ឋលេខាធិការក្រសួងទេសចរណ៍ និងរៀបចំឡើងក្នុងគោលបំណងពិភាក្សាអំពីយុទ្ធសាស្ត្រការរចនាខ្សែទស្សនកិច្ចបែប Cluster ដើម្បីលើកកម្ពស់តម្លៃបន្ថែមនៃផលិតផលទេសចរណ៍ និងពង្រីករយៈពេលស្នាក់នៅរបស់ភ្ញៀវទេសចរនៅកម្ពុជា។ កម្មវិធីនេះ បានប្រព្រឹត្តទៅនៅ Sokha Residence និងមានការចូលរួមពីមន្ត្រីជាន់ខ្ពស់ អ្នកជំនាញវិស័យទេសចរណ៍ និងភាគីពាក់ព័ន្ធជាច្រើន។