ខេត្តបាត់ដំបង : ទឹកធ្លាក់ចម្ការស្វាយ
ទឹកធ្លាក់ចម្ការស្វាយ ជារមណីយដ្ឋានធម្មជាតិកែច្នៃមួយកន្លែង ដែលមានផ្ទៃដីសរុប៨៤ហិកតា មានទីតាំងស្ថិតនៅ ភូមិស្រែស្ដៅ ឃុំមានជ័យ ស្រុកសំឡូត ខេត្តបាត់ដំបង និងមានចម្ងាយ៦១គីឡូម៉ែត្រពីរួមខេត្ត។ រមណីយដ្ឋាននេះ គឺជាគោលដៅទេសចរណ៍ លេចធ្លោមួយនៅក្នុងខេត្តបាត់ដំបង ដែលមានភ្ញៀវមកលេងកម្សាន្តច្រើននៅអំឡុងថ្ងៃឈប់សម្រាកកន្លងទៅ។ នេះបើតាមមន្ទីរទេសចរណ៍ខេត្តបាត់ដំបង។ មន្ទីរទេសចរណ៍ខេត្តបានឱ្យដឹងថា សម្រាប់អ្នកទេសចរដែលមកលេងនៅទីនេះ អាចលំហែអារម្មណ៍និងទទួលយកនូវបរិយាកាសស្រស់ស្រាយ ថ្មីប្លែក ជាមួយទេសភាពព្រៃឈើស្រស់ត្រកាល បូករួមនិងទឹកស្ទឹងថ្លាឈ្វេងនៅជាប់ជើងភ្នំ។ លើសពីនេះទៀត ភ្ញៀវទេសចរអាចងូតទឹកកម្សន្តសប្បាយជាមួយនឹងក្រុមគ្រួសារ, ជិះទូកគយគន់ទេសភាពតាមមាត់ស្ទឹង, ព្រមទាំងអាចបោះតង់សម្រាកនៅទីនោះបានទៀតផង។
ព្រឹត្តិការណ៍
របាំព្រះរាជទ្រព្យ
គុនល្បុក្កតោខ្មែរ
